رقم القائمة: 3

البرنامج الإنتخابي

أحنا قائمة التيار الديمقراطي

باش جوهرة الساحل سوسة تولّي إسم على مسمّى، نلتزموا لمواطنينا ومواطاناتنا انّو :

1. نصلحوا الكياسات, ونقصوا من النصب اللي في الطريق ونوفروا أماكن خاصة بيهم ونرجعوا التروتوارات للمترجلين ونكثروا مالحاويات في الشوارع باش تولي مدينتنا نظيفة،

2. نحسنوا من خدمات الروضات البلدية ونكبروا في طاقة استيعابها ونزيدوا روضات ومحاضن جديدة باش نتصداوا للي موش مرخصة والي تمثل خطر على تربية صغارنا

3. نخصصوا مآوي سيارات ونتصداوا لإستغلالها الغير قانوني ونزيدوا مفترقات وأضواء في البلايص إلي فيهم إزدحام مروري

4. نعشبوا ونسيجوا ملاعب الأحياء الموجودة ونزيدوا ملاعب جديدة ونعملوا مسلك صحي وإنسيجوا ونهيؤوا المناطق الخضراء ونجهزوها بألعاب للاطفال

5. نعاودوا دراسة مشروع تحسين ملعب سوسة حسب الميزانية المرصودة وفي الأاثناء نلوجوا على موارد مالية أخرى باش نوسعوه لأنو الميزانية المرصودة حاليا ما تكفيش

6. نستغلوا ميناء سوسة والمدينة العتيقة ومسرح سيدي الظاهر ومسرح الهواء الطلق الجديد والمسرح البلدي والكرنيش باش نحركوا السياحة والثقافة في المدينة

7. نركزوا كاميرات مراقبة في الأماكن الي فيها حركة كثيفة باش تنقص النطرة والبراكاجات.

8. إنسقوا مع وزارة الشؤون الاجتماعية باش نوفروا مركز رعاية للأطفال المصابين بمرض التوحد

9. نوفروا فضاءات خاصة بالجمعيات باش يلقاوا فين ينشطوا وندعموهم ماديا، خاصة انو المجتمع المدني هو الشريك الفعلي باش نحققوا جميع هذه النقاط